2025 жылғы 15 желтоқсанда Зеренді ауданының ОМПС УПИ полиция майоры Д.Т. Әубәкіровпен "Жасөспірім және Заң" тақырыбында білім алушылардың құқықтық мәдениеті мен жауапты мінез-құлқын қалыптастыруға бағытталған профилактикалық әңгіме өтті.

Кездесу барысында инспектор оқушыларға олардың құқықтары мен міндеттері туралы айтып, кәмелетке толмағандардың әкімшілік және қылмыстық жауаптылығының түрлерін түсіндірді, сондай-ақ құқыққа қайшы әрекеттердің салдарын еске салды.
Мектептегі тәртіпті сақтау, қоғамдық орындардағы тәртіп ережелері, құқық бұзушылықтар үшін жауапкершілік, сондай-ақ қауіпсіздік пен тәртіпті қамтамасыз етудегі заңның рөлі мәселелеріне ерекше назар аударылды. Әңгіме диалог түрінде өтті: оқушылар өздерін қызықтырған сұрақтарын қойып, нақты өмірлік мысалдар бойынша түсініктемелер алды.
Өткізілген іс-шара жасөспірімдердің құқықтық сауаттылығын арттыруға, құқық бұзушылықтардың алдын алуға және заңға құрметпен қарауды қалыптастыруға ықпал етті